„ Тăван чĕлхесĕр чăн-чăн пĕлÿ çук“,-тесе вĕрентнĕ чăваш халăхне çутта кăлараканĕ Иван Яковлевич Яковлев. Чăваш Республикинче вăл çуралнăранпа 174 çул çитнине паллă туса ака уйăхĕн  18-мĕшĕнчен пуçласа 25-мĕшĕччен чăваш чĕлхи эрни иртет.

    Ака уйăхĕн 18-мĕшĕнче гимназире те чăваш чĕлхи эрни пуçланчĕ. Хамăр Патшалăх символěсене хисеплени Чăваш Республикинче пурăнакан кашни çыннăн патриотла тивěçě пулнине ăнлантарас тěллевпе 5- классенче «Чăваш Республикин Патшалăх символĕсем» калаçу урокĕ иртрĕ, ачасем  Чăваш Республикин символикипе паллашрĕç. Гимн, ялав, герб çинчен презентаци курчĕç.“Виçĕ хĕвел“, пурнăç йывăççи“ паллăсен пĕлтерĕшĕсене пĕлчĕç, вĕсене чăваш тĕррисенче  уйăрма вĕренчĕç.