Сěм вǎрман, ылтǎн хир, Атǎл шывě…

Тěрлě халǎх кунта пурǎнать.

Чǎваш çěрě – юратнǎ çěр – шывǎм

Çулсерен çěнелсе улшǎнать (Ю.Петров)

Чǎваш Республики – эпир пурǎнакан çěр, Раççей Федерацийě шутне кěрет. Етěрнери 1-мěш гимнази вěренекенěсем И.Я.Яковлев çуралнǎранпа 170 çул çитнине халалланǎ чǎваш чěлхи эрнине пуçланǎ май  Тǎван çěр кашни çыншǎн мěнле хаклǎ пулнине палǎртрěç. Тǎван çěр-шыв çинчен калакан сǎвǎсем вуларěç, ваттисен сǎмахěсене пǎхмасǎр калама вěренчěç, вěсен пуян та тарǎн пěлтерěшне ǎнлантарса пама тǎрǎшрěç.

Тǎван çěр-шыв вǎл – пирěн атте-анне;

Тǎван çěр-шыв вǎл – эпě ÿснě кил-çурт;

Тǎван çěр-шыв вǎл – атте-анне панǎ чěлхемěр.

Тǎван патшалǎх символěсене хисеплесси – кашни çын тивěçě. 5-мěш класра вěренекенсем Чǎваш Республикин патшалǎх символěсемпе паллашрěç. Гимн сǎмахěсене пǎхмасǎр каларěç. Патшалǎх символěсен авторěсем камсем пулнипе кǎсǎкланчěç.

5-8-мěш классем «И.Я.Яковлев пурнǎçěпе пултарулǎхě» викторинǎна хутшǎнчěç. Чи пултаруллисем 5 тата 8 класра вěренеççě.